Сұрақ-жауап

  • Сұрақ №: 45054
    Дата: 31.07.2018 14:17:46
    Аты-жөні: Мұсабаев Баймұрат
    Сұрақ:
    Мен Мұсабаев Баймұрат 24.07.2018жылы Нұра -Астана тас жолымен жүксіз жүк көлігімен келе жатып жол потрулдік полициясымен тоқтатылдым. Құжаттарды тексергеннен кейін қызметкер менде көлігімде өрт қауыпты жүк тасу кезіндегі сары түсті жанып сөнетін жарык белгісі (мигалка) жоқ деп хаттама толтыра бастады. Әрине бұл әкімшілік құқық бұзушылықпен келіспеймін. Қызметкерге көлікке жүксіз керек емес деп айтканмен тыңдамады. Полиция көлігінің ішінде қызметкер мағам сендер Шымкеннтен келген әбден құтырғансыңдар деп (балағат сөзбен) намысыма келетін сөздер айтты. Кейн хаттаманы толтырп қол қоюға берді, Мен келесіде жұмыс берушіме телефон шалып ақыл сұрадым. Сөйлесу кезінде қызметкер екі мәрте телефонымды қолымнан жұлып алды. Хаттаманы қол қою кезінде мен қызметкерге өз келесі шағымымды айтым орыс тілін жеткілікті білмеймін деп қызметкердің орыс тілінде толтырылған хаттамсын орыс тілі деген жерді қазақша деп жазып қол қойдым сол кезде қызметкер хаттаманы қолымнан жұлып алдыда мені далаға шығарып жібердіде кетіп қалды. Кейн 102 телефон шалып шағымданып қызметкерлерді шақыртып алдым. Біраз уақыттан кейн олар келіп хаттаманы қолыма берді сосын мен қол қойдым заңды көмек керек деп көрсеттім, құқықтары мен міндеттерімді сұрағанымда қызметкер саған айттымғой қандай құқық бұзушылқтыр бар екендеп жауап бері. кейн таңы бір қағазға қол қой деп ұсынды бұл не қағаз дегенімде хаттаманын копиясы алдым деген деп қол қойғызып қолыма хаттаманын бірін бермей қолыма түбіртек беріп потрульдік машинадан шығарып жіберді де кетіп қалды. Мен тағыда 102 телефон шалып қызметкерлді шақырттым олар келіп қорқытып қайра кетіп қалды. мен тағыда 102 телефон шалдым ондағы кезекші кызметкер Бөлімшеге кел деп тұтқаны қоя салды, осы қызметкерлердік кесірінен мен жарты күн уақытым кетті және табыс көлеміне үлкен зиян келтірілді. Құрметті прокурор мырза жоғардағы көрсетілген шағымымды қарастырып толтырылған хаттаманы заңсыз деп тауып тоқтатуыңызды өтінемін, Түбіртек №1144045
    Жауап күні:
    6 тамыз, 2018 - 09:08
    Жауап:
    Б.Д.Мусабаевқа Құрметті Баймұрат Дүйсебекұлы! Нұра ауданы прокуратурасымен Сіздің көлік құралын пайдалану қағидаларын бұзғаны үшін, Нұра ауданы ішкі істер органының қызметкерімен толтырылған әкімшілік құқықбұзушылық туралы хаттамамен келіспеу туралы өтінішіңіз қаралды. Өтінішті қарау барысында аудан прокуратурасы Сізге қатысты Қазақстан Республикасының Әкімшілік құқықбұзушылық туралы кодексінің 590 бабының 5 бөлігімен қозғалған әкімшілік құқықбұзушылық ісі аталған органнан қабылданған шешімнің заңдылығын тексеру үшін сұратылды. Алайда, әкімшілік құқықбұзушылық ісі Сіздің Нұра аудандық сотына берген әкімшілік құқық бұзушылық туралы хаттамамен келіспеу туралы шағымыңыз негізінде Нұра аудандық сотының сұратуы бойынша қарау үшін жолданған және өазіргі таңда қаралуда. «Қазақстан Республикасының сот жүйесі мен судьяларының мәртебесі туралы» Қазақстан Республикасы Заңының 1 бабының 1 тармағына сәйкес сот iсiн қарау тәртiбiмен қаралуға тиiс өтiнiштердi, арыздар мен шағымдарды басқа ешқандай органның, лауазымды немесе өзге де адамдардың қарауына немесе бақылауға алуына болмайды. Сондықтан, Сізге қатысты қозғалған әкімшілік құқықбұзушылық туралы іс бойынша ішкі істер органының лауазымдық тұлғаларының әрекеттері мен актілеріне құқықтық баға сотпен берілетін болады. Осы жауаппен келіспеген жағдайда, ҚР «Жеке және заңды тұлғалардың өтiнiштерiн қарау тәртiбi туралы» Заңының 12 және 14 бабтарының талабтарына сай және ҚР «Әкімшілік рәсімдер туралы» Заңының 17 бабына сәйкес, Сіздің жоғары тұрған прокуратураға немесе сотқа шағымдануға құқығыңыз бар. Нұра ауданының прокуроры әділет кеңесшісі Д. Саттыбаев орын Е.Таласбаев тел 22-3-75 email:7214404@prokuror.kz
  • Сұрақ №: 43434
    Дата: 05.06.2018 11:34:31
    Аты-жөні: Туктубаева Жанаргуль
    Сұрақ:
    Құрметті Пракурор Мырза!Мен,Туктубаева Жанаргуль Хамидуллиевна сізге 2018 жылдың 13 сәуірінде хат жолдаған болатынмын. Хатымның мәтіні:"Саламатсыз ба, прокурор мырза. Мен, Туктубаева Жанаргуль АК 159/6 жазасын өтеу мекемесіндегі сотталушы Туктубаев Талғат Қалдыбайұлының жолдасымын. Сізге қояр сұрағым: жолдасым Талғат 2013 жылдың 28 ақпанынан бері жазасын өтеуде. Осы уақыт ішінде жазасын өтеу мекемесінде қоғамдық жұмыстарға белсене қатысып өзін жақсы жағынан көрсетуде. 2017 жылдың қаңтар айында мекеме басшылығынан марапаттау/алғыс алды. Әртүрлі спорттық іс-шараларға үнемі қатысып отырады. Мекеме ішіндегі сайыстарға да қатысуда. Осы уақыт ішінде оған өзін жақсы жағынан көрсете білген еңбегі бағаланбай, керісінше қудалануда. Соның ішінде жолдасым Талғатқа қойылып отырған басты кінә оның С.Баймағанбетов ісіне куә болуы. Сізден жолдасым Туктубаев Талғатқа жазасын өтеудің жеңіл нұсқасын беру мүмкіндігін және осы жеңілдік бойынша менімен, туыс-жақындарымен жиі кездесу мүмкіндігін беруіңізді сұраймын." Осы сұрағыма ,мен қанағаттанарлықтай жауап ала алмадым. Жауап ала алмауымның себебін түсіндіруіңізді және де хатыма дұрыс жауап беруіңізді сұраймын.
    Жауап күні:
    18 маусым, 2018 - 16:29
    Жауап:
    ответ Туктубаевой
  • Сұрақ №: 42788
    Дата: 14.05.2018 16:49:04
    Аты-жөні: Рахымжанова Гульнар
    Сұрақ:
    Курметти прокурор мырза! Мен 16.02.2018ж №40160 жане 06.03.2018ж №40730 санды хаттар жолдаган едим,бугинги кунге дейин ешкандай жауап алмадым.
    Жауап күні:
    25 мамыр, 2018 - 09:46
    Жауап:
    Г.О.Рахымжановаға /БЛОГ/ Құрметті Гүлнар Өрікбайқызы! Сіздің, Қазақстан Республикасы Бас Прокурорының Блогынан түскен, ағымдағы жылдың ақпан және мамыр айларында жазған өтініштеріңізге жауап алмағаныңыз туралы өтінішіңіз қаралды. Қарағанды облысының прокуратура органдарына Сізден ешқандай өтініш түспегенін хабарлаймыз. Осыған байланысты, Сізге өтінішті қайтадан жолдауды ұсынамыз. Осы жауапқа қатысты сұрақтар туындаған жағдайда, 8(7212) 35-35-77 телефоны арқылы хабарласуыңызды өтінеміз. Облыс прокуроры М. Сексембаев орынд. Бекежанова Д.М. тел.35-35-77
  • Сұрақ №: 40730
    Дата: 06.03.2018 14:17:50
    Аты-жөні: Рахымжанова Гульнар
    Сұрақ:
    Курметти Толеген Амантайұлы сизге жугинуге себеб болып отырган жагдайым мынада болып тур Кантар айында уйимде орт болган еди,сол жайт бойынша Акадыр кенттик полиция болими КР КК 202 ст бойынша ис ашылган болатын.Осы уакыт бойына ягни 1,5 ай ишинде айналдырган 5квартира тургындарынан жауап алынып болмаган.Ол аздай кеше 05.03.2018ж Шет аудандык полиция кызметкерлери мен кенттик тергеуши мени шакыртып ДВД осы ис бойынша жауап сурап жатыр деди.Соз торкиндеринен тусингеним 202ст бойынша ашылган исти 204ст ауыстыруды коздейди екен,енди испен кайта танысу барысында коршимнен тусиник алынбаганын билдим.Енди ис толык емес деуим мун екен анасы кайтыс болып отырган коршимди Акадыр кентинен 95 км жерден конвоймен алгызып ол аз болса мен ягни жабирленуши шулатып жатыр деп алып кеткен.Мынадай бассыздыкка кандай шара бар,еки коршинин ортасына от салып ол аз болса дуйим журтты шулатып отыр.Ол азамат танертен 7 ден кешки 8 дейин жумыста ол аз болса сенби жексенби уйнде болады.Каралы уйге барып бассыздык корсетип мынадай маскарага жол берди.Зан кызметкерлери менин куккыгымды аяк асты етип менин намысыма кол салып отыр.Осы шара бойынша маган комек берунизди сураймын
    Жауап күні:
    20 наурыз, 2018 - 20:34
    Жауап:
    Г.О.Рахымжановаға Ақадар кенті, Қыздарбеков көшесі,1үй 4 пәтер Құрметті Гульнар Орикбаевна! Сіздің Қазақстан Республикасы Бас Прокурорының блогынан №183564031000012 санды қылмыстық ісі бойынша жазған арызыңыз іс құжаттарын зерделеу арқылы қаралған болатын. Анықталғаны, 2018 жылдың 6 қаңтарында Ақадыр кенті Қаздарбеков көшесі бойында орналасқан №1 үй шатырының өртену дерегімен Шет ауданы Ішкі істер бөлімімен Қазақстан Республикасының Қылмыстық кодексінің (әрі қарай - Кодекс) 202 бабы 2 бөлігі 1 тармағы бойынша қылмыстық іс басталған. Сотқа дейінгі тергеп тексеру барысында анықталғандай, өрттің шығу себебі шатыр ішінде жиналып қалған күл-қоқыс қалдықтарының жылулық энергиясының шоғырлану нәтижесінде туындаған тұтану көзінен пайда болуы мүмкін. Алайда, тергеу барысында жоғарыда көрсетілген мекен-жайда орналасқан үйдің шатырына күл төккен немесе өрт қойған адам анықталмады. Болған оқиға салдарынан Сізге келтірілген материалдық залалдың 800 000 теңгені құраған. Сондықтан, материалдық залалдың көлеміне сай, қылмыстық істі ҚК-нің 202 бабы 2 бөлігінен ҚК-нің 204 бабы 1 бөлігіне саралау туралы шешім қабылданған. Сонымен қатар, іс құжаттарымен танысу нәтижесі бойынша Сіз қылмыстық қудалау органына өтініш беру арқылы қылмыстық істі ҚК-нің 204 бабы 1 бөлігіне саралау туралы шешіммен келісім білдіргенсіз. Одан бөлек, Шет ауданы ІІБ қызметкерлерінің тарапынан Сіздің ар-ожданыңызға нұқсан келтіріп, құқықтарыңызды бұзу деректері анықталмады. Егерде, осы жауаппен келіспеген жағдайда, Сізге ҚР-ның «Прокуратура туралы» Заңының 34 бабының және ҚР-ның «Жеке және заңды тұлғалардың өтініштерін қарау тәртібі туралы» Заңының 12 бабының талаптарына сәйкес жоғары тұрған прокуратураға немесе сотқа шағымдануға құқылы екендігін түсіндіремін. Аудан прокуроры әділет кеңесшісі Т.Түсіп орынд.Е.Жалмаганбетов тел.8/71031/21-2-35
  • Сұрақ №: 40674
    Дата: 04.03.2018 17:51:13
    Аты-жөні: Дарибеков Канат
    Сұрақ:
    Менің 20.01.2018 ж. №39235 сұрағыма жауап жоқ.Бір ай ішінде жауап беруге міндеттісіз.Өздеріңіз Заң орындалуын қадағалайтын мемлекеттік орган бола тұра, өздеріңіз Заңды бұзасыздар,біздің салықтардан жиналатын жалақыны не беттеріңізбен аласыздар?
    Жауап күні:
    20 наурыз, 2018 - 18:40
    Жауап:
    К.У. Дәрібековке Бас Прокурордың блогы Құрметті Қанат Утаевич! Сіздің, Қазақстан Республикасының Бас Прокурорының блогына жазған, Жезқазған қаласының Мамандандырылған қүзет қызметі басқармасының қызметкерлеріне қатысты қылмыстық іс бойынша өтінішіңіз және ол өтінішіңізге уақытында жауап алмағаныңыз туралы жазған кейінгі екі өтінішіңіз (05.03.2018 ж. және 14.03.2018 ж.) қаралды. Өзіңіз білетіндей,Сіздің еңбек еткен жылдардың есебінде қолыңызды жалған қою фактісіне қатысты арызыңыз бойыншаҚарағанды облысының Ішкі істер Департаментінің Өзіндік қауіпсіздік басқармасы (бұдан әрі – ІІД ӨҚБ)Қылмыстық кодекстің(бұдан әрі - ҚК)362 б. 1 бөлігімен тергеу жүргізген. 28.02.2018 ж.ІІД ӨҚБтергеушісі Е.Смағұлов аталғанқылмыстық істің өнідірісін ҚПК 35б. 1б. 2 тармағы негізінде, яғни іс-әрекетте қылмыстық құқық бұзушылық құрамының болмауына байланысты қысқартқан. Іс құжаттарын зерделеу барысында шешім заңды қабылданғаны анықталды. Себебі, Сізге зейнетақы тағайындау үшін еңбек сіңірген жылдарыңыздын есебін дұрыс рәсімделмеген деп санауға негіз жоқ және аталған құжатқа қол қою азаматтардың немесе ұйымдардың құқықтары мен заңды мүдделеріне не қоғамның немесе мемлекеттің заңмен қорғалатын мүдделеріне елеулі түрде нұқсан келтірмеген және ешқандай залал орын алмаған. Сіздің Қазақстан Республикасының Бас Прокурорының блогына 23.01.2018 ж. түскен арызыңызға уақытында жауап берілмеу дерегіне қатысты қазіргі уақытта қызметтік тексеріс өткізіліп жатыр. Нәтижелері бойынша кінәлі тұлғалар қатаң тәртіптік жауапкершілікке тартылады. Моральдық шығынды өндіру мәселесі бойынша келесіні хабарлаймын: Қазақстан Республикасы Жоғарғы Сотының «Қылмыстық процесті жүргізетін органдардың заңсыз әрекеттері салдарынан келтірілген зиянды өтеу жөніндегі заңды қолдану тәжірибесі туралы» Нормативтік қаулысының (бұдан әрі - Нормативтік қаулы) 10-тармағына сәйкес судья моральдық зиянның салдарын жойғызу туралы талапты ҚПК-тің 4 тарауындағы тәртіппен қарайды. Келтiрiлген моральдық зиян үшiн ақшалай мәнде өтемақы өндіру туралы талаптар азаматтық сот iсiн жүргiзу тәртiбiмен ғана қойылады. Егер, азамат ҚПК-тің 4-тарауында көзделген тәртіппен зиянды өтеу туралы талапты беруге алты айлық мерзім өткізіп алынса, онда ол азаматтық сот iсiн жүргiзу тәртiбiмен сотқа жүгінуге құқылы. Азаматтық кодекстің (бұдан әрі - АК) 951 бабының талабына сәйкес моральдық зиян – жеке тұлғалардың өзiндiк мүлiктiк емес игiлiктерi мен құқықтарының бұзылуы, кемсiтiлуi немесе олардан айырылуы, оның iшiнде өзiне қарсы құқық бұзушылықтың жасалуы салдарынан жәбiрленушiнiң, ал осындай құқық бұзушылық салдарынан ол қайтыс болған жағдайда – жақын туыстарының, жұбайының (зайыбының) басынан кешірген (төзімін тауысқан, уайымға салған) жан азабы немесе тән азабы (қорлау, ызаландыру, қысым жасау, ашуландыру, ұялту, түңілту, тән қиналуы, залал шегу, қолайсыз жағдайда қалу және т.б.) болып табылады. Моральдық зиянды осы баптың 3-тармағында көзделген жағдайлардан басқа реттерде, зиян келтiрушiнiң кiнәсi болған кезде, зиян келтiрушi өтейдi. Сіздің шектелген құқықтарыңызды қорғау мақсатында жеке дара шағымдану құқығыңыз заң талаптарымен бекітілген. АК-тің 9-бабының талаптарына сәйкес Сіз азаматтық түрде талап-арызбен сотқа жүгінуге құқылысыз. Осы жауаппен келіспеген жағдайда, Сіздің жоғары тұрған прокурорға немесе сотқа шағымдануға құқығыңыз бар. Облыс прокуроры М. Сексембаев орын. Бекежанова Д.М. тел. 35-35-77

Беттер